Abduraimova Gaadagi yurishini g'alaba bilan boshladi

Ushbu musobaqada hamyurtimiz Nigina Abduraimova ham o'z mahoratini namoyish etyapti. Mamlakatimizning birinchi raketkasi ilk davrada irodali g'alabaga erishdi. U mezbonlar vakilasi Leksi Stevensni 4/6, 6/1, 6/2 hisobida mag'lubiyatga uchratdi. 

Taqqoslash uchun, turnirda ikkinchi raqam ostida tasniflangan Abduraimova dunyo reytingida 172, Stevens esa 441-pog'onadan joy olgan. Birozdan so'ng Nigina 1/8 final uchrashuvida yana bir niderlandiyalik tennischi Eva Vedderga qarshi kortga chiqadi. Vedder WTA reytingida 316-o'rinni band etgan.