31 avg 12:14
Yangiliklar

Tennis

Abduraimova Niderlandiyada muvaffaqiyatli start oldi

Niderlandiyaning Overeysel provinciyasi Oldenzal shahrida tennis bo'yicha WTA40 toifasiga kiruvchi turnir bo'lib o'tmoqda.

Ushbu musobaqada hamyurtimiz Nigina Abduraimova ham ishtirok etyapti. Mamlakatimizning birinchi raketkasi 1/6 finalda germaniyalik Angelina Virgesni 6/4, 6/2 hisobida mag'lubiyatga uchratdi. Ushbu bahs yomg'ir sabab ikkinchi setning ikkinchi geymidan so'ng bir necha soatga to'xtatilgan.

Turnirda uchinchi raqam ostida tasniflangan Nigina birozdan so'ng boshlanadigan 1/8 final uchrashuvida yana bir olmon tennischisi Lilli Steurga qarshi kortga chiqadi. Abduraimova WTA reytingida 194, Virges 552, uning bugungi raqibasi Steur esa 649-o'rinni egallab turibdi.