20 apr 16:48
Yangiliklar

Tennis

Abduraimova Oeyrash turniridagi ishtirokini boshladi

Portugaliyaning Oeyrash shahrida tennis bo'yicha ITF toifasidagi turnir davom etmoqda.

Mukofot jamg'armasi 100 000 AQSH dollarini tashkil etuvchi turnirda hamyurtimiz Nigina Abduraimova ham ishtirok etyapti. Mamlakatimizning birinchi raketkasi faqat juftlik bahslarida o'z omadini sinab ko'rmoqda.

Yaponiyalik Moyuka Uchijima bilan tandem hosil qilgan Nigina 1/4 finalga yo'l oldi. Ular 76 daqiqa davom etgan 1/8 final uchrashuvida Bosniya va Gercegoviniya vakilasi Anita Vagner hamda ruminiyalik Ioana Roska hamkorligidan 6/2, 6/4 hisobida ustun kelishdi.

Endi Moyuka va Nigina 1/2 final chiptasi uchun britaniyalik tennischilar Oliviya Nikolls hamda Alisiya Barnet juftligiga qarshi kortga chiqadi.