Abduraimova Palermo WTA turniri yakkaligida mag'lub bo'ldi

Ushbu musobaqada Nigina Abduraimovaning ham ishtirok etayotgani haqida xabar bergan edik. Hamyurtimiz o'z ishtirokini juftlik bahslaridan boshlab, rossiyalik Sofya Lansere bilan birga 1/4 finalga yo'l olgan edi. 

Afsuski, mamlakatimizning birinchi raketkasi yakkalik musobaqasining ilk davrasida asosiy to'rga saralash bahslari orqali etib kelgan rossiyalik Tatyana Prozorovaga 3/6, 4/6 hisoblarida imkoniyatni boy berib qo'ydi. 

Taqqoslash uchun, Abduraimova WTA reytingida 177, Prozorova esa 236-o'rinni egallab turibdi. Bir soatu 38 daqiqa davom etgan uchrashuvda Nigina 3, Tanya esa 1 ta eys zarbasini amalga oshirgan. Bu tennischilarning o'zaro o'tkazgan ikkinchi uchrashuvi edi - 1:1. O'tgan yili Qozog'istonda o'tgan turnirda Abduraimovaning qo'li baland kelgandi.