Abduraimova Punadagi ishtirokini g'alaba bilan boshladi

Mukofot jamg'armasi 40 000 AQSH dollarini tashkil qiluvchi turnirda hamyurtimiz Nigina Abduraimova ham ishtirok etyapti. Mamlakatimizning birinchi raketkasi biroz avval yakuniga etgan 1/16 final uchrashuvida oson g'alabaga erishdi.

Turnirda ikkinchi raqam ostida tasniflangan Abduraimova latviyalik Diana Marcinkevichni 6/2, 6/0 hisobida mag'lubiyatga uchratdi. Nigina WTA reytingida 176, Diana esa 374-o'rinni egallab turibdi. Bu tennischilarning o'zaro o'tkazgan ilk uchrashuvi edi.