Abu-Dabi. Ikkinchi kun qahramonlari, ular orasida Hikmatulloh To'raev ham bor!

Kecha musobaqaning ikkinchi kuni jami 4 ta (ayollar 2 ta, erkaklar 2 ta) vazn toifasida medallar hamda Olimpiadaning muhim reyting ochkolari uchun bellashuvlar o'tkazildi.  

Quvonarlisi, -73 kg vazn toifasida yurtimiz sharafini himoya qilgan dzyudochimiz Hikmatulloh To'raev musobaqaning bronza medali hamda 500 reyting ochkosini ham qo'lga kiritdi. 

SHu tariqa, hamyurtimiz o'zining "Katta Dubulg'a" turnirlaridagi ilk medaliga ega chiqdi. Uning bronza medali uchun kechgan bahsdagi raqibi Olimpiadaning bronza medali sovrindori Dirk Van Tichelt edi. Hikmatulloh tajribali va nomdor raqibini vazari bahosi evaziga engdi. SHu bilan birga To'raev Tokio-2020 Olimpiadasi uchun qimmatli reyting ochkolarini ham o'ziniki qilib oldi.    

Ikkinchi kun qahramonlari:

Ayollar

-63 kg vazn toifasi

1. Tina Trstenyak (Sloveniya)

2. Meylin Karvaxal Del Toro (Kuba)

3. Ketleyn Kuadros (Braziliya)

3. Jun Ksia Yang (Xitoy)

-70 kg vazn toifasi

1. Kim Polling (Gollandiya)

2. Sanne Van Diyk (Gollandiya)

3. Mikaela Polleres (Avstriya)

3. Elvismar Rodriges (Venesuela)

Erkaklar

-73 kg vazn toifasi

1. Bilal Kiloglu (Turkiya)

2. Artur Margelidon (Kanada)

3. Igor Vandtke (Germaniya)

3. Hikmatulloh To'raev (O'Zbekiston)

-81 kg vazn toifasi

1. Li Jin Mun (Janubiy Koreya)

2. Luka Maysuradze (Gruziya)

3. Vedat Aybayrak (Turkiya)

3. Dominik Ressel (Germaniya)