24 okt 14:50
Yangiliklar

Dzyudo

Abu-Dabi "Katta Dubulg'a". Lutfullaev chorak final ostonasida to'xtadi

Bugun BAA poytaxti Abu-Dabi shahrida dzyudo bo'yicha "Katta Dubulg'a" turkumiga kiruvchi turnir boshlandi.

Ushbu musobaqada O'zbekiston terma jamoasi ham ishtirok etmoqda. Erkaklar terma jamoasi to'liq, ayollar esa uchta vazn toifasida turnir medallari hamda Tokio-2020 Olimpiadasining muhim reyting ochkolari uchun tatamiga chiqishyapti.

Afsuski, asosiy umidlarimizdan biri SHarofiddin Lutfullaev o'z yurishini chorak final ostonasida to'xtatishga majbur bo'ldi. -60 kg vazn toifasidagi dzyudochimiz ikkinchi bosqichda franciyalik Luka Mxaidzedan ustun keldi. Lekin uchinchi davrada rossiyalik Yago Abuladzega imkoniyatni boy berib qo'ydi va musobaqadagi ishtirokini muddatidan avval yakunladi.