Achilbay Ramatov Tokioga yo'l olayotgan bokschilarimiz bilan uchrashdi

O'zbekiston bokschilari esa ananaga ko'ra muhim musobaqalar oldidan tayyorgarlikning so'nggi bosqichini musobaqa o'tkaziladigan manzilning o'zida olib borishadi. 

Ertaga O'zbekiston terma jamoasi vakillari Olimpiada o'tkaziladigan shahar - Tokioga jo'nab ketishadi. Bugun esa O'zbekiston boks federaciyasi raisi Achilbay Ramatov Olimpiya o'yinlarida qatnashadigan charm qo'lqop ustalarimiz va ularning murabbiylari bilan uchrashdi.

Uchrashuv davomida Achilbay Jumaniyazovich bokschilarimizdan umid kattaligi, Olimpiada vaqtida aynan bokschilarimizdan medallar ko'proq kutilishini takidladi. 

Qolaversa, federaciya rahbari ruhiy tayyorgarlik muhim ahamiyatga ega ekanligini, butun dunyo bokschilari o'zbekistonlik yigitlarga qarshi boshqacha kayfiyatda jang qilishi haqida gapirdi. Tokiodagi bahslarda qatnashadigan terma jamoamiz vakillariga o'z tavsiyalarini berdi. 

SHuningdek, uchrashuvga O'zbekiston Milliy olimpiya qo'mitasi raisi Rustam SHoabdurahmonov boshchiligidagi mutasaddilar ham tashrif buyurishdi va terma jamoamiz azolari bilan suhbatlashishdi.

O'zbekiston boks federaciyasi matbuot xizmati