Adesanya Maxachev - Volkanovski revansh jangiga o'z taxminini aytdi

Xabaringiz bor, oqshomning markaziy jangi engil vazn toifasida Islam Maxachev va Aleksandr Volkanovski o'rtasida bo'lib o'tadi. Nigeriyalikning so'zlariga qaraganda, uning jamoadoshi Maxachevni muddatidan avval mag'lubiyatga uchratib, birinchi jangdagi mag'lubiyat uchun munosib revansh oladi. 

"Menimcha, Volk ilk jangda ham g'alaba qozongan edi. Volkanovski o'sha jangda raunddan raundga o'ziga bo'lgan ishonchini oshirib borayotgandi. Ha, bu safar Volk to'liq mashg'ulot lagerini o'tagani yo'q. Lekin u oxirgi jangidan keyin zalni deyarli tark etgani ham yo'q. O'ylashimcha, bu gal Aleks Maxachevni to'xtatadi. Bu mening shaxsiy fikrim. Agar menga ruxsat etilganida, men pullarni kimga tikishimni bilardim", - deya Adesanyaning so'zlarini keltirmoqda MMAJunkie.  

Eslatib o'tamiz, yarim engil vazn toifasida UFC chempioni bo'lib turgan Aleks Volkanovski uch kun avval Islamga qarshi jangga rozilik bergan edi. U jarohati sabab kurashdan chiqqan CHarlz Oliveyraning o'rnini egallagandi.