28 avg 14:57
Yangiliklar

Boks/MMA

Afg'onistonlik Nasrat Xaqparastning UFC'dagi navbatdagi raqibi va jang sanasi malum bo'ldi

9 sentyabr kuni Avstraliya poytaxti Sidney shahrida UFC 293 turniri tashkil etiladi.

Avvalroq, mazkur raqamli turnirda engil vazn toifasida afg'onistonlik jangchi Nasrat Xaqparast (14-5-0) ham jang qilishi haqida xabar berilgan edi. U o'sha kuni Sem Petterson bilan to'qnash kelishi lozim edi. Biroq Sem jarohat olishi oqibatida jangda ishtirok eta olmasligi malum bo'ldi va natijada uning o'rnini Lendon Kuinones (7-1-1) egalladi. Jang prelim kard doirasida, 3 raunddan iborat bo'ladi.

Malumot uchun, Xaqparast UFC'da 2017 yildan buyon jang qilib keladi. SHu vaqt davomida u 10 ta jang o'tkazib, ularning 6 tasida g'alaba qozongan bo'lsa, 4 ta jangda raqiblarining qo'li baland kelgan.

Hozirda UFC'dagi afg'onistonliklar soni 3 nafarni tashkil etadi: Nasrat Xaqparast, Javid Basharat, Farid Basharat.