"Afrikada biz ko'chada jang qilamiz, onam esa kiyimlarimni yashirib qo'yardi". Olimpiadada SHokinni mag'lub eta olgan sportchi bilan INTERVYU

+80kg vazn toifasida dayanga chiqadigan Issufu 2016 yil Rioda o'tgan olimpiya o'yinlarida kumush medalga sazovor bo'lgandi. 

"Men Tokioda Niger davlati xalqi uchun oltin medalni yutmoqchiman. Har kuni uch mahal mashg'ulot o'tkazyapman, o'zimni ayamayapman. "Qariganda qiynalmaslik uchun, yoshlikda qiynalish kerak" degan maqolga amal qilyapman. Afrikada biz ko'chada jang qilamiz. Sen eng kuchlisi bo'lishing kerak. Biroq men bolalarga ko'chada emas, dayanda jang qilish kerak deb aytaman. 

Qarindoshim aynan shu sport bilan shug'ullanayotganda ehtiyotsizlik tufayli vafot etgan. SHundan keyin o'z pulimga sotib olgan taekvondo kiyimini onam yashirib qo'ygan. 2011 yilda meni terma jamoaga qabul qilishganini eshitgach biroz yumshagan. O'smirlik chog'imda ota-onam vafot etishgan. 2016 yil Rioda kumush medalni qabul qilib olganimda ota-onam haqida o'ylagandim. Ulardan doim minnatdorman", - deydi Abdul Razzoq Issufu Agence France-Presse nashriga. 

Malumot uchun, Niger davlati 1964 yildan buyon yozgi olimpiya o'yinlarida ishtirok etib keladi. Hozirga qadar ushbu mamlakat sportchilari jami 2ta medalni qo'lga kiritishgan: 1972 yil bokschi Issaka Daborg bronza, 2016 yil taekvondochi Issufu kumush medal.