09 fev 10:38
Yangiliklar

Olimpiya o'yinlari, Qishki sport turlari

Afsonaviy Bubka 12-marotaba mashala estafetasida ishtirok etdi+FOTO

Afsonaviy engil atletikachi Ukraina milliy olimpiya qo'mitasi prezidenti Sergey Bubka Pxenchxan Olimpiadasi mashalasi estafetasida ishtirok etdi.

Bu bilan Bubka Olimpiya o'yinlarining mashala estafetasida 12-marotaba ishtirok etdi. Tashkilotchilar mashala estafetasining so'nggi final bosqichida bu imkoniyatni ukrainalik sobiq sportchiga taqdim etishdi.

Bubka Kannin shahri ko'chalari bo'ylab mashalani olib o'tgan. U mahalliy aholi vakillari bilan suratga ham tushdi. Bubkani qo'llab-quvvatlash maqsadida Ukraina Bosh vaziri o'rinbosari Vyacheslav Kirilenko ham voqea joyida hozir bo'ldi.