Afsonaviy Floyd Meyvezer 5 marotaba nokautga yaqin kelgan. Uni kimlar qiyin ahvolga tushirib qo'ygandi?

Floyd Meyvezer prof ringda 19 yoshida - 1996 yil oktyabrda debyut jangini o'tkazgan. Floyd faoliyati davomida 50 bor ringga ko'tarilgan va barchasida g'alabaga erishgan, g'alabalarning 27 tasida raqiblari oyoqlarida jang oxirgacha turolmagan. Lekin, uning faoliyatida shunday janglar bo'lganki, unda sal qolishiga sal qolgan - yani, kichik Meyvezer ushbu janglarda deyarli mag'lubiyatga uchragandi. Biz bugun shunday janglardan beshtasini eslab o'tamiz.

1-jang: Floyd Meyvezer - SHeyn Mosli

(2010 yil, 1 may, hakamlarning qarori bilan g'alabaga erishgan)

2010 yilning may oyida Meyvezer yarim o'rta vazn toifasidagi WBA kamari sohibi SHeyn Mosli bilan jang olib borgan. Jangning dastlabki raundlarida har ikki bokschi o'z hujumkorligini namoyish etgan. Ikkinchi raundda Mosli raqibini ikki bor «dahshatli» zarbalar bilan siylaydi. Buning oqibatida Floyd oyoqlarida zo'rga turib qolgan. Ammo, Moslining bu harakatlari nokautgacha etib bormadi. 3-raundga kelib Floyd o'ziga kela boshladi. Qolgan raundlarda Meyvezer to'liq ustunlikka erishadi. Uchrashuv yakunida hakamlar bir ovozdan Meyvezerning foydasiga qaror chiqarishgan.

2-jang: Floyd Meyvezer - Markos Maydana (2-jang) 

(2014 yil, 13 sentyabr, hakamlarning qarori bilan g'alabaga erishgan)

Floyd Meyvezer - Markos Maydana bilan bir yilda ikki bor ringga chiqqan. Birinchi jangda Meyvezer faoliyatida eng ko'p zarba (221 marta) o'tkazib yuborgan. Maydana hakamlarning qaroridan norozi bo'lgan bo'lsada, yakunda hakamlar jangni baribir Floydning foydasiga hal qilishgan. Ikkichi jang ham o'zini uzoq kuttirmagan - 13 sentyabrda bokschilar yana bir bor uchrashishgan. Jangda Meyvezer bir nechta kuchli zarbalarni qabul qilgan bo'lsada, jang yakunida yana bir bor g'alabani tantana qilgan.

3-jang: Floyd Meyvezeer - Karlos Ernandes

(2001 yil, 26 may, hakamlarning qarori bilan g'alabaga erishgan)

2001 yiling may oyida Meyvezer Karlos Ernandesga qarshi ringga chiqqan. Floyd jangda to'liq ustunlikka erishgan. Jangning oltinchi raundida «engilmas» o'ng huk bilan raqibini boshiga zarba beradi, Karlos og'riq kuchidan baqirib yuborgan va bukilgancha qarshilik ko'rsatolmay qolgan. Lekin, kutilmaganda Ernandesning chap huk zarbasi mo'ljalga etib boradi va Floyd nokdaunga uchraydi. 12-raunding o'rtalariga kelib Ernandes raqibiga tashlanadi va uni kanatga tiqib tashlashga harakat qiladi. Buning oqibatida hakam undan ochko olib tashlashga to'g'ri keladi. Jang yakunida barcha hakamlar kichik Meyvezerning g'alabasini elon qiladilar.

4-jang: Floyd Meyvezer - Zab Juda 

(2006 yil, 8 aprel, hakamlarning qarori bilan g'alabaga erishgan)

IBO kamari uchun jang 2006 yilning aprelida bo'lgan. Bahsning dastlabki to'rt raundida Zab Juda ustunlikka erishgan, biroq beshinchi raundga kelib Floyd ustunlikni asta-sekin o'z qo'lga ola boshlagan. Jangning o'ninchi raundida Zab kutilmaganda Meyvezerning belidan past qismiga zarba beradi. Buning oqibatida Floyd ringga qulagan. Eng qizig'i shundan keyin boshlangan -  har ikki tomon sekundantlari ringga chiqib urishib ketishadi. SHundan so'ng, qo'riqchilar ularni olib chiqib ketishadi va jangning qolgan ikki raundi ham yakunlab qo'yiladi. Bu jangda ham hakamlar bir ovozdan Meyvezerning g'alabasini elon qilishgan. Floyd uchrashuv yakunlangandan so'ng bergan intervyusida jangning boshida qo'lidan jarohat olganini, shu boisdan jangni muddatidan avval yakunlolmaganini takidlagan.

5-jang: Floyd Meyvezer - Demarkus Korli 

(2004 yil, 22 may, hakamlarning qarori bilan g'alabaga erishgan)

2004 yilning may oyida bo'lib o'tgan jangda ko'p va kuchli zarbalarni qabul qilishga qaramay, nafaqat oyoqda tura olgan, balki jangda ustunlikni o'z tomoniga og'dirib olishga ham erishgan. 8-raundda Meyvezer bir nechta qaytarib bo'lmas hujumlar uyushtirishi oqibatida Korli nokdaunga uchragan. O'ninchi raundning boshida Floyd yana bir bor omadli hujum uyushtiradi va hakam ikkinchi bor hisobni ochadi. SHu tariqa Meyvezer jangda katta ustunlikka ega bo'lgan holda g'alabaga erishgan.

sports.ru sayti asosida Nig'monxo'ja Nozimov tayyorladi