03 avg 14:02
Yangiliklar

Sport kurashlari, Tokio-2020

Afsonaviy Lopes 4 karra Olimpiada chempioni bo'lgan yagona yunon-rum kurashchi!

Kubalik afsonaviy yunon-rum kurashchi Mixan Lopes Nunes endi to'rt karra Olimpiada chempioni.

U Tokio-2020 Olimpiadasining 130 kg vazn toifasidagi bellashuvlarida shohsupaning eng yuqori pog'onasiga ko'tarildi. Lopes bungacha 2008, 2012 va 2016 yilgi olimpiya o'yinlarida ham oltin medalni qo'lga kiritgandi. Bu bilan u to'rt karra Olimpiada chempioni bo'lgan ilk yunon-rum kurashchiga aylandi.

SHuningdek, Lopes besh karra jahon chempioni (2005, 2007, 2009, 2010, 2014), besh karra Panamerika o'yinlari g'olibi (2003, 2007, 2011, 2015, 2019), to'qqiz karra Panamerika chempioni (2002, 2004, 2005, 2006, 2007, 2008, 2009, 2012, 2014) hisoblanadi.

Tokio-2020. Yunon-rum kurashi. 130 kg

1. Mixayn Lopes Nunes (Kuba)

2. Yakob Kadjaya (Gruziya)

3. Riza Kayyalp (Turkiya)

3. Sergey Semenov (Rossiya)