Afsus, Abdurahmonov bronza medalini qo'lga kirita olmadi

Hamyurtimiz bronza medali uchun kechgan bahsda ozarbayjonlik Jabrail Gasanovga qarshi gilamga chiqdi. Gasanov o'tgan yili Boku shahrida o'tkazilgan birinchi Evropa o'yinlarining bronza medal sovrindori xisoblanardi.

Terma jamoamizga navbatdagi bronza medalini taqdim etishi mumkin bo'lgan Abdurahmonov esa jahon chempionatining bronza medal sohibi edi. Afsuski, hamyurtimiz bronza medali uchun bo'lib o'tgan uchrashuvda raqibiga 7:9 hisobida imkoniyatni boy berib, 5‑o'rin bilan cheklanadigan bo'ldi.

Eslatib o'tamiz, -74 kg vazn toifasidagi vakilimiz bundan avvalgi o'tish bahsida amerikalik jiddiy raqib – Jordan Ernest Barrouzni 11:1 hisobida mag'lubiyatga uchratishga muvaffaq bo'lgan edi.

Etiborlisi, amerikalik erkin kurashchi London-2012 Olimpiadasi g'olibi, yani amaldagi olimpiya o'yinlari chempioni, uch karra jahon chempioni, ikki bor Jahon Kubogi sohibi, yana shuncha Pan-Amerika o'yinlari g'olibi edi.