Akgul Amanmuradova WTA reytingini tark etdi

Yangilangan reytingning Top-10 ligida hech qanday o'zgarish kuzatilmadi. Polshalik 21 yoshli tennischi Iga Svyontek hamon etakchiligicha qolmoqda. Tunislik Ons Jaber ikkinchi, amerikalik Jessika Pegula uchinchi pog'onadan joy olgan. 

Mamlakatimizning birinchi raketkasi Nigina Abduraimova reytingda 1 pog'ona pastlagan bo'lsa, Sevil Yo'ldosheva 2, Milana Maslenkova 6 o'rin yuqoriladi. 

Etiborlisi, 5 dekabr kuni elon qilingan WTA reytingda 1097-o'rinni egallab turgan tajribali tennischimiz Akgul Amanmuradova bu hafta reytingni tark etganini ko'rishimiz mumkin. WTA elon qilgan bugungi reytingda faqatgina 3 nafar tennischimizning o'rinlari qayd etilgan. 

WTA reytingi. 2022 yil 12 dekabr holatiga ko'ra Top-10:

1. (1) Iga Svyontek (Polsha) - 11085 ochkov
2. (2) Ons Jaber (Tunis) - 5055
3. (3) Jessika Pegula (AQSH) - 4691
4. (4) Karolin Garsiya (Franciya) - 4375
5. (5) Arina Sobolenko (Belarus) - 3925
6. (6) Mariya Sakkari (Greciya) - 3871
7. (7) Kori Goff (AQSH) - 3646
8. (8) Darya Kasatkina (Rossiya) - 3435
9. (9) Veronika Kudermetova (Rossiya) - 2795
10. (10) Simona Xalep (Ruminiya) - 2661

O'zbekistonlik tennischilarning WTA reytingidagi o'rni:

171 (172). Nigina Abduraimova - 378

1033 (1035). Sevil Yo'ldosheva - 13

1275 (1281). Milana Maslenkova - 4