25 iyu 17:59
Yangiliklar

Sport kurashlari

Aktenge Keunimjaeva - Osiyo chempioni, Esbergenovada bronza!

Qirg'iziston poytaxti Bishkek shahrida sport kurashlari bo'yicha o'smirlar (U 17) va yoshlar (U 23) o'rtasida Osiyo chempionati davom etmoqda.

Quvonarlisi, ayollar kurashi musobaqasida hamyurtimiz Aktenge Keunimjaeva barcha raqibalarini mag'lubiyatga uchratib, Osiyo chempioniga aylandi. Hamyurtimiz oltin medal yo'lida qozog'istonlik Ellada Maxyaddinova, hindistonlik Antim Antim, qirg'izistonlik Ayjan Sabirbek qizi hamda mo'g'ulistonlik Hulan Batxuyagdan ustun keldi.

Qita chempionatining 68 kg vazn toifasidagi bellashuvlarida yurtimiz sharafini himoya qilgan Azoda Esbergenova bronza medaliga sazovor bo'ldi. 65 kg vazndagi kurashchi-qizimiz Dinora Rustamova kechki dasturda medallar uchun kurashni davom ettiradi.