Alam Mullaev o'z lavozimini tark etdi, karatega navbatdagi rahbar saylandi

Unda Adham Ikramov boshchiligidagi Sportni rivojlantirish vazirligi mutasaddilari, Milliy Olimpiya qo'mitasi Bosh kotibi Oybek Kasimov, Qo'mita raisi o'rinbosari SHerzod Tashmatov, federaciya xodimlari va terma jamoa azolari, hududiy vakillar (ZOOM platformasi orqali), faxriylar ishtirok etishdi. Konferenciya kun tartibidan federaciyaga yangi rais saylash, uning rahbariyati va Ijroiya qo'mitasi tarkibini qaytadan shakllantirib olish kabi masalalar o'rin oldi.

Tadbir avvalida so'zga chiqqan A.Ikramov karatening mazkur yo'nalishi o'zbekistonlik yoshlarning sevimli sport turlaridan biri ekanligi, ayniqsa chekka hududlarda unga qiziquvchilar ko'pchilikni tashkil etishi, o'z navbatida, ushbu sport turi mamlakatimizda ancha rivojlangani hamda terma jamoamiz azolari xalqaro maydonlarda vatanimiz sharafini munosib himoya qilib kelishayotganini alohida etirof etdi.

Konferenciya kun tartibidan o'rin olgan masalalar bir ovozdan tasdiqlangach asosiy jarayonga o'tildi. Unda O'zbekiston Respublikasi Vazirlar Mahkamasining Talim, sog'liqni saqlash va sport masalalari kotibiyati masul xodimi, bungacha sport sohasida turli lavozimlarda samarali faoliyat olib borgan Rashid Azatovich Talipov nomzodi federaciya raisi lavozimiga taklif etildi va konferenciya ishtirokchilari tomonidan bir ovozdan maqullandi. SHu tariqa Rashid Talipov O'zbekiston karate WKF federaciyasi raisi etib saylandi. SHu paytgacha federaciya rahbari sifatida faoliyat olib borgan Alam Mullaev, shuningdek, Baxtiyor Nigmatullaev, Anvar Muhamedov, Saparmurod Djiemurotov, Ilhom Mamadaliev, Burxon Rahmonov hamda Dilnoza Bakirova rais o'rinbosari, bungacha federaciya Ijrochi direktori lavozimida ishlagan Farruh Tashkentbaev federaciya Bosh kotibi etib saylandi. SHuningdek, tadbir davomida Ijroiya qo'mitasi azolari ham shakllantirilib, tashkilotning yangi tahrirdagi nizomi tasdiqlandi.

Yig'ilishda so'zga chiqqan Rashid Talipov yuksak ishonch uchun minnatdorlik bildirgan holda, yurtimizda karate sportini rivojlantirish yo'lida astoydil xizmat qilishini takidladi. SHu bilan birga, oldinda turgan yirik musobaqalar, jumladan, joriy yil dekabr oyida Toshkent shahrida o'tkaziladigan kattalar o'rtasidagi Osiyo chempionatini yuksak saviyada tashkil etishda barchani hamjihat bo'lishga chaqirdi.

SHu tariqa, O'zbekiston karate WKF federaciyasining navbatdagi hisobot-saylov konferenciyasi o'z ishini yakunladi.