Aleks Volkanovski: "Maxachevni chiroyli va imkon qadar tezroq nokaut qilaman!"

Avstraliyalik chempion jangni imkon qadar tezroq yakunlash uchun harakat qilishini aytdi. 

"SHubhasiz, bu dahshatli jang bo'ladi. Men oktagonga chiqaman va hammani hayron qoldiraman. Jangning to'liq besh raund davom etmasligi uchun harakat qilaman. Islamni ertaroq nokaut qilish asosiy maqsadim. Uning benzobakini tekshirish niyatim yo'q. Meni to'g'ri tushunasizlar degan umiddaman. Bu ishni chiroyli va tezroq amalga oshirishni istayman. Bo'lajak oqshomdagi eng xavfli inson men bo'laman. Men ham jismonan, ham ruhan bu urushga tayyorman. Maqsadim - nokaut!", - deya Aleksning so'zlarini keltiradi MMA Fighting. 

Eslatib o'tamiz, Aleks Volkanovski uchun bu revansh jangi bo'ladi. U shu yilning fevral oyida Avstraliyaning Pert shahrida o'tkazilgan UFC 284 turnirida Maxachevga ochkolar hisobiga ko'ra imkoniyatni boy berib qo'ygan edi.