Ali Ahmedov: "Xitoydagi licenzion turnirga yuqori tayyorgarlikda borishimiz kerak"

- Birlashgan kurash dunyosi (UWW) Cerbiyadagi jahon chempionati bekor qilinganidan so'ng uning o'rnida aynan o'sha sanalarda shaxsiy hisobdagi jahon Kubogini o'tkazishga qaror qildi, - deya so'z boshladi A.Ahmedov. - Bunga dunyodagi koronavirus bilan bog'liq epidemiologik vaziyat sabab bo'ldi. Aksariyat kuchli terma jamoalar jahon chempionatiga kelmaslikni lozim topishdi. SHu jumladan, O'zbekiston Sport kurashlari associaciyasi ham bu borada tavakkal qilmaslikni lozim topdi. Bu mavjud vaziyatdan kelib chiqilsa, to'g'ri qaror bo'ldi deb o'ylayman. SHu bilan bir qatorda Dog'istonda mashg'ulot o'tkazayotgan terma jamoamiz azolari agar o'zlari istagan holatlarida jahon kubogida qatnashishlari mumkin edi. Lekin ulardan birgina Rashid Qurbonov bu istakni bildirdi. Qolganlar yangi mavsumga tayyorgarlik ko'rishni afzal bilishdi. Osiyo chempioni Ilyas Bekbulatov esa qo'lidagi jarohatini davolash bilan band. U o'tgan yili jarrohlik stoliga yotgandi. SHundan keyin bir nechta musobaqada ishtirok etdi. Yil so'nggiga kelib operaciyadan keyingi asoratlar bo'y ko'rsatdi. Jarohat izi o'zini eslatdi. Natijada Ilyas qo'lining tirsak qismini takroriy operaciya qildirdi. Bu safargi jarrohlik amaliyoti u darajada murakkab emas edi. O'ylaymanki, Bekbulatov tez orada musobaqalarga tayyor bo'ladi. O'zbekiston terma jamoasining qolgan vakillari - Magomed Ibragimov, aka-uka Isa va Javrail SHapievlar sog'-salomat, ular mashg'ulotlarda ishtirok etishyapti. Hozir biz hammamiz Prielbruseda o'tkaziladigan mashg'ulotga kiryapmiz. Biz bilan u erda UFC jangchisi Rustam Xabilov ham mashg'ulot o'tkazadi. Ilyas o'zi bilan kichik ukasi, o'smirlar o'rtasidagi Evropa o'yinlari g'olibi Magomedaminni ham olib kelgan. 

- Nima uchun aynan Prielbruse tanlandi?

- Biz "Terskol" tog'-dam olish maskanidagi "Ushba"dagi bazaga joylashamiz. Ayni paytda kurashchilarimiz uchun baland emas, aksincha o'rtatog' sharoitida mashg'ulot o'tkazish foydaliroq. U erda barcha sharoitlar muhayyo qilingan. SHu yil avgust oyida ham Prielbruseda mashg'ulot o'tkazgan edik. O'shanda bizga baza maqul kelgandi. Kabardino-Balkariyadagi yig'indan dekabr oyining o'rtalarida uyga qaytamiz va keyin Dog'iston terma jamoasining mashg'ulotlariga qo'shilamiz. Ushbu yig'in esa bizga yanvar oyida ananaviy tarzda o'tkaziladigan Ivan Yarigin xotira turniriga tayyorgarlik vazifasini o'tab beradi.

- Krasnoyarskdagi bu turnirda ishtirok etasizlarmi?

- Ha, aynan Yarigin Gran-pri turniri bilan yangi mavsumni boshlab olamiz. Bu musobaqa bizga mart oyidagi Olimpiada licenzion turniriga tayyorgarlik vazifasini o'tab beradi. Erkin kurashchilarimiz Xitoydagi licenzion turnirga o'zlarining yuqori sport formalarida etib borishlari kerak. Biz murabbiylar hozir bor etiborimizni shunga qaratganmiz.  

PS. Malumot uchun, erkin kurash bo'yicha O'zbekiston terma jamoasi hisobida hozircha Tokio-2020 Olimpiadasi licenziyasi yo'q. Lekin buning uchun hali ikkita musobaqa bor. Birinchi kvalifikacion musobaqa – Osiyo turniri (26-28 mart, Xitoy, Siyan) bo'lsa, ikkinchisi Jahon licenzion (29 aprel – 2 may, Sofiya) musobaqasi hisoblanadi.