Ali Bagov - Rashid Magomedov jangi "spektakl" deb elon qilindi + VIDEO

ASA 141 oqshomining Co-main event jangida kamdan-kam uchraydigan holat kuzatildi. Engil vazn toifasida Gran-prining chorak finalidan o'rin olgan ushbu besh ranudlik jangda Ali Bagov va Rashid Magomedov o'zaro to'qnash kelishdi. Ikki do'st o'rtasidagi jang xuddi avvaldan kelishilgandek ruhiyatda o'tdi. 

Jangchilar klinchga kirishga urinishar, bir-birlarini ayab, kuchli zarba bermaslikka intilishardi. Bu holat beshinchi raundgacha davom etdi. Referi Gerixan SHibilov deyarli har bir raund boshida jangchilarni ayamasdan jang qilishga chaqirdi. Oxiri asablari dosh bermagan ACA rahbari Mayrbek Xasiev oktagonga yugurib chiqdi va jangni to'xtatishga majbur bo'ldi. Har ikki jangchi diskvalifikaciya qilindi. Ali ham, Rashid ham bu qarorga etiroz bildirishmadi. 

"Bo'ldi! To'xtatamiz! ASA ligasi bolalar bog'chasi emas. Bu jiddiy liga. Kim nima deb valdirasa ham, men uchun bu dunyoning kuchli ikkinchi ligasi hisoblanadi. Bizni hurmat qilmaganlarga javobimiz shu. Bo'di! Diskvalifikaciya! Bu yog'iga asablarim dosh bermaydi. Bu nima degan gap? Sizlar bu erdagilarni yosh bola ko'rib, hammaning ustidan kulyapsizlarmi? Bo'ldi, sizlar bo'shsizlar!", - deya yorildi Xasiev.  

Takidlash joiz, ushbu chorak final jangi g'olibi Gran-pri 1/2 finalida Artem Reznikovga qarshi oktagonga chiqishi lozim edi. Ikkinchi yarim finalda esa Eduard Vartanyan va Yusuf Raisov o'zaro to'qnash kelishlari belgilangan. 

Ushbu jarayon videosini tomosha qiling: