Qaytishini aytgan Topuriya eng ehtimoliy raqibini ham malum qildi

Bu haqda UFC`ning ikki vazn toifasida sobiq chempioni ABC Diario nashriga bergan intervyusida malum qildi.

"Men jangchi duch kelishi mumkin bo'lgan eng yomon vaziyatga tushib qoldim. Faoliyatimdagi eng yomon kunni boshimdan kechirdim. Bundan battar nima bo'lishi mumkin? O'limmi? So'nggi besh-olti oy davomida nima noto'g'ri ketganini o'zimga savol berib chiqdim. Lekin bir narsa menga aniq: sen yutasan yoki yutqazasan. Va men yutqazdim. Ertalab ko'zguga qaraganda buni inkor qilishning keragi yo'q", - dedi "El Matador".

SHu bilan birga, ispan-gruzin jangchisi keyingi jangi uning faoliyatidagi so'nggisi bo'lishi mumkinligini istisno qilmaydi.

"Men allaqachon hamma narsaga erishdim. Va bu jangdan keyin nima bo'ladi? Balki men faoliyatimni yakunlayman ham", - deya qo'shimcha qildi Topuriya.

Biroq, hozirda Iliya qaytishga etibor qaratgan va muxlislari oldida eng yaxshi formasida ko'rinishga tayyorlanmoqda. SHu bilan birga, jangchi apreldan oldin qaytmasligini bildirdi, garchi liga rahbari Dana Uayt kecha uning jangi kelgusi yil boshiga rejalashtirilganini malum qilgan bo'lsa-da.

"Meni hali hech qachon ko'rmagan holatingizda ko'rasiz. Qaytishni apreldan boshlash imkoniyatini ko'rib chiqmoqdamiz. Men hayotda hamma narsa atirguldan iborat emasligini har doim tushunganman, garchi avval bunday vaziyatga duch kelmagan bo'lsam ham", - dedi sobiq UFC chempioni.

Potencial raqibga kelsak, Topuriya britaniyalik Peddi Pimblett bilan uchrashishni istaydi, u bilan uzoq vaqtdan beri shaxsiy kelishmovchiligi mavjud.

"Peddi, Peddi, Peddi... Men uni kolbasa kabi yutib yuboraman, chunki u shunday", - deb vada berdi sobiq UFC chempioni engil va yarim engil vazn toifalarida.