Alina Kabaeva: Hakamlar isroillik gimnastikachini mag'lub etishini xohlashmadi

"Albatta, Tokioda bo'lib o'tgan Olimpiya o'yinlarida sodir bo'lgan voqea jahon badiiy gimnastikasi uchun dahshatli holat. Dina Averina alo darajada ishtirok etdi, u to'rt dasturni ham alo darajada bajardi, elementlarni bexato ijro etdi. Isroillik raqibi kabi hech narsani tushirib yubormadi.

Dina Averina oxirgi dasturini tasma bilan tugatdi va xatosiz yaxshi bajardi. Ammo, unga baho berish uchun 6 daqiqa sarflandi. Garchi hozirda agar siz hamma narsani xatosiz yaxshi bajargan bo'lsangiz, bir-ikki daqiqa kutishingiz mumkin, lekin 6 daqiqa emas... Bu nima degani? Hakamlar baholarni hisoblashgan va Averina isroillik gimnastikachini mag'lub etishini xohlashmagan.

Bilasizmi, ko'plab sport turlarini NATO mamlakatlaridan kelgan hakamlar baholaydilar va u erda bizning sportchilar g'alaba qozonishadi. SHuning uchun, menimcha, bu savol noo'rin.  SHunchaki, yaxshi va unchalik yaxshi bo'lmagan odamlar bor.

Ha, Ashram yaxshi gimnastikachi, u yaxshi chiqish qildi, lekin qo'pol xatoga ham yo'l qo'ydi. Bu xato uchun undan bir ochko olib tashlanishi kerak edi, ammo 0,7 ochko olib tashlandi. Bunday xato bilan Olimpiya o'yinlarida g'alaba qozonilmaydi", - deya Kabaevaning so'zlarini keltiradi RIA Novosti "Rossiya" 1 telekanaliga tayanib.

Eslatib o'tamiz, 1996 yildan beri birinchi marta Rossiya badiiy gimnastika bo'yicha oltin medal olmadi. Bu rossiyalik Dina Averina shanba kuni ko'pkurashning yakkalik bahslarida Isroil sportchisi Lina Ashramga yutqazib, kumush medal sohibasiga aylangandan keyin sodir bo'ldi.