Alisherning kumushi oltin bo'lganida "Katta Dubulg'a" turnirini 4-o'rinda yakunlar edik + JADVAL

Sayyoramizning 4 qitasi 63 davlatidan jami 525 nafar (312 erkak, 213 ayol) dzyudochi 3 kun davomida 14 ta vazn toifasida musobaqa medallari hamda qimmatli reyting ochkolari uchun bahs olib bordi. Ular orasida O'zbekiston terma jamoasining 17 nafar dzyudochisi ham murosasiz kechgan bellashuvlarda tatamiga chiqdi. 

Terma jamoamiz tarkibi:

AYOLLAR

-48 kg: Xalimajon Qurbonova

-52 kg: Diyora Keldiyorova 

-57 kg: SHukurjon Aminova 

-57 kg: Nilufar Ermaganbetova 

-70 kg: Gulnoza Matniyazova 

-70 kg: SHohista Nazarova

-78 kg: Irisxon Qurbonboeva

ERKAKLAR

-60 kg: Kemran Nurillaev

-60 kg: Dilshod Baratov

-66 kg: Sardor Nurillaev

-73 kg: SHahram Ahadov

-73 kg: Murodjon Yo'ldoshev

-81 kg: SHarofiddin Boltaboev

-81 kg: Muso Sobirov

-100 kg: Muzaffarbek To'raboev

+100 kg: O'tkirbek To'raboev

+100 kg: Alisher Yusupov 

Yakunda 2 ta kumush, 3 ta bronza medalini qo'lga kiritgan jamoamiz 63 davlat orasida 13-o'rinni egalladi. Agar Diyora Keldiyorova yoki Alisher Yusupovning kumush medali oltin bo'lganida, O'zbekiston Antaliya "Katta Dubulg'a" turnirini sof 4-o'rinda yakunlar edi. 

Kumush medal sohiblari

-52 kg: Diyora Keldiyorova

+100 kg: Alisher Yusupov

Bronza medal sohiblari

-60 kg: Dilshodbek Baratov

-66 kg: Sardor Nurillaev 

-81 kg: SHarofiddin Boltaboev 

Gruziya terma jamoasi 2 ta oltin va 2 ta kumush medal bilan umumjamoa hisobida birinchi o'rinni egalladi. Franciya terma jamoasi 2 ta oltin va 1 ta kumush medal bilan ikkinchi bo'ldi. Kuchli uchlikka Braziliya 1 ta oltin, 1 ta kumush va 4 ta bronza medali bilan yakun yasab berdi. Antaliya tatamilarida 23 davlat terma jamoalari kamida 1 ta medal qo'lga kiritdi. 

Taqqoslash uchun, O'zbekiston terma jamoasi o'tgan yilning 1-3 aprel kunlari o'tkazilgan Antaliya "Katta Dubulg'a" turnirida bitta oltin medalni qo'lga kiritgandi. O'shanda Diyora Keldiyorova barcha raqibalarini engib, chempionlik shohsupasiga ko'tarilgan edi. Hamyurtlarimizdan Gulnoza Matniyazova 5, Muhammadkarim Hurramov va Alisher Yusupov 7-pog'onadan joy olishgandi.