Aljemeyn Sterling Petr Yan bilan trilogiyaga tayyor

"Agar u menga qarshi 0:3 hisobini xohlasa, biz buni amalga oshira olamiz. Agar siz uning rekordlariga qarasangiz, men uni ikki bor mag'lub qilganimni ko'rasiz, va agar u uchinchisini xohlasa, biz buni uddalay olamiz", - deya takidlagan amerikalik jangchi.

SHuningdek, Sterling rossiyalik jangchini navbatdagi raqibi sifatida ko'rmasligi va Joze Aldo, Ti Jey Dillashou yoki Dominik Kruz bilan jangni afzal ko'rishi haqida gapirdi.

"Yaxshilab o'ylab ko'rsangiz, Dillashou bu jangga loyiq emasligi ayon bo'ladi. Abu-Dabida urushishimiz kerak bo'lganida, uning Yan bilan jangimiz g'olibi bilan jang qilishi haqida ko'p gapirishdi, va bu o'z o'zidan oddiy qabul qilindi.

Rostini aytsam, Rob Fontni mag'lub etgan Joze Aldo bu jangga ko'proq munosib deb o'ylayman. Bu sahiylik nuqtai nazaridan olib qaraganda oqilona ish bo'lardi. Hatto Dominik Kruz bilan jang ham ahamiyatliroq, Ti Jeyning bu erga qanday qo'shilib qolganini umuman tushunmayapman. Bilaman, UFC bu jangni xohlaydi, shuning uchun ham uning ismini tilga oldim.

Agar shunday bo'lsa, bu har qanaqasiga qiziq jang bo'ladi. Muxlislar uni bilishadi, u yaxshi rezyumega ega, shunday yigitni mag'lub etish boyliklarim ko'payishiga katta hissa bo'ladi. Men buni pul uchun qilyapman. Menimcha, bu yigitlarning hammasi mahorat jihatidan bir hil darajada, lekin agar moliyaviy tomondan tanlashim kerak bo'lsa, Ti Jey nomzodini tanlardim".

SHunga qaramasdan, UFC chempioni yaqin yarim yil ichida oktagonga qaytishni rejalashtirmayapti.

"O'n uch oy o'tdi, endi hech qanday jang haqida o'ylashni istamayman. Men oddiy odamlardek hayot kechirishni — dam olish, biroz vazn to'plashni xohlayman. Bu orqali o'zimizni qanday his qilishimizni ko'ramiz, lekin men sentyabr oyidan avval qaytaman, deb o'ylamayman, ehtimol undan keyin ham. Men UFC xohlaganida emas, vaqti kelganini his qilganimda qaytaman".