Almaty Cadets Asian Cups 2025. Birinchi kun yakuniga ko'ra 16 ta medal bilan 1-o'rindamiz!

Baluan Sholak arenasi mezbonlik qilayotgan ushbu musobaqada 4 qitaning 10 davlatidan kelgan jami 459 (292 o'smir, 167 qiz) nafar dzyudochi medallar yo'lida bahs olib bormoqda. 

Almaty Cadets Asian Cups 2025 turnirining ilk kuni o'g'il bolalar -50, -55, -60, -66 kg, qizlar esa -40, -44, -48 va -52 kg vazn toifalarida tatamiga chiqishdi. Katta tarkibda musobaqada ishtirok etayotgan o'zbekistonlik dzyudochilar ilk kungi bellashuvlarda 4 ta oltin, 6 ta kumush, 6  ta bronza medalini qo'lga kiritishdi. O'zbekiston terma jamoasi jami 16 ta medal bilan birinchi kungi bahslar yakuni bo'yicha umumjamoa hisobida 1-o'rinni egallab turibdi.  

Osiyo dzyudo ittifoqi vice-prezidenti, O'zbekiston dzyudo federaciyasi raisi Azizjon Kamilov Almatidagi musobaqani bevosita arenadan kuzatib bormoqda. Bu medallar uchun kurashyotgan kadetlarimizga qo'shimcha dalda bo'lmoqda. 

Birinchi kun shohsupaga ko'tarilgan dzyudochilarimiz:

Oltin medallar

-50 kg: Xurshid Sultonov 

-60 kg: Dilshod Karimov 

-40 kg: Alina Kolyucheva 

-48 kg: Gulmira Xolmurzaeva  

Kumush medallar

-50 kg: Muhammadqodir SHodmonov  

-55 kg: Behruzjon Ochilov  

-66 kg: Sanjarbek Ashurov 

-40 kg: Mohinur Ollaberganova 

-44 kg: Dinora Hasanova 

-52 kg: Nigina Umirzoqova 

Bronza medallar

-55 kg: Ilyos Mitanboev 

-60 kg: Amirxon Ozodov

-66 kg: Sultonbek Qo'ldoshboev 

-40 kg: Dilafruz Boltaboeva

-48 kg: Nargiza Do'stmamatova 

-52 kg: Zuhra Alimova