Amaldagi chempion ortiqcha qiyinchiliksiz US Open 1/2 finaliga chiqdi FOTOGALEREYA

Musobaqaning amaldagi chempioni 2 soatu 29 daqiqa davom etgan 1/4 final uchrashuvida ATP reytingida 12-pog'onada borayotgan germaniyalik Aleksandr Zverevni 6:3, 6:2, 6:4 hisoblarida mag'lubiyatga uchratdi. 

Ispaniyalik tennischi 3 ta eys, 4 ta breyk-poyntga erishib, 3 ta qo'shxatoga yo'l qo'ydi. Zverev esa 6 ta eys zarbasini amalga oshirib, 4 ta qo'shxato qayd etdi. Beshta breyk-poyntdan birontasidan foydalana olmadi. Endi Karlos Alkaras US Open final chiptasi uchun rossiyalik Daniil Medvedevga qarshi kortga chiqadi.