Amerikadagi hamyurtimiz Murodbek CHoriev o'tgan yilgi mag'lubiyatidan keyin ilk bor oktagonga ko'tarildi + FOTO

Musobaqaning asosiy kardi doirasida asli o'zbekistonlik, hozirda AQSHda istiqomat qiluvchi Murodbek "Maks" CHoriev oktagonga ko'tarildi. Unga amerikalik Derrik Ageday raqiblik qildi.

Yarimo'rta vazn toifasida o'tkazilgan 3 raundlik jang to'liq davom etib, yakunda hakamlarning yakdil qarori bilan Murodbek CHoriev ochkolar (30:27, 30:27, 30:27) hisobiga ko'ra g'alaba qozondi.

Bu 27 yoshli hamyurtimiz uchun prof faoliyati davomidagi oltinchi jangida qo'lga kiritgan beshinchi g'alabasi bo'ldi. O'tgan yilning may oyida o'tkazgan so'nggi jangida u Darian Uiksga imkoniyatni boy berib qo'ygan edi.

35 yashar Derrik Ageday hisobida esa endi 7 ta g'alabadan tashqari 13 ta mag'lubiyat ham bor.