"Amerikalik vatanparvar sifatida aytamanki - CHimaev g'alaba qozongandi" - Sexudo

"Menimcha, aslida Xamzat bu jangda g'alaba qildi, garchi men Striklendga muxlislik qilgan bo'lsam ham. SHon uchun bu — ungacha hech kim mag'lub etmagan jangchini engish jihatidan katta yutuq.

SHu bilan birga, menimcha, jang ikkinchi raundda hal bo'ldi. Raund boshlanganidan taxminan bir yarim daqiqa o'tgach, 3:45 daqiqa atrofida SHon Striklend Xamzat CHimaevni ajoyib o'ng xuk bilan ushlab oldi. U chap jeb urdi va keyin — bum — o'ng xuk tegdi. Agar diqqat bilan qaragan bo'lsangiz, sharhlovchilar bunga etibor bermaganini ko'rish mumkin. Menimcha, kimdir haqiqatan ham zarba qabul qilib, muvozanatini yo'qotganda, buni yaxshiroq tushuntirishlari kerak edi. Xamzat haqiqatan ham muvozanatini yo'qotdi, oyoqlari chalkashib ketdi, ammo u o'zini yaxshi ushladi va bilintirmadi.

Biroq Xamzat xatoga yo'l qo'ydi — zarbadan keyin darhol teykdaun qilishga urindi. Seni chayqatib yuborishganida teykdaun qilishga urinmaslik kerak. U sovuqqon ko'rinishini saqlab, oyoqda qolishi va hammasi joyidadek tutilishi lozim edi. Demak, u o'ziga kelib olishi kerak bo'lgan. Ammo buning uddasidan chiqmadi. Birinchi raundda u juda ko'p kuch sarfladi, Striklend esa uni yaxshi charchatdi.

Menimcha, Xamzat vazn tashlash sabab erta charchab qoldi, ammo shunga qaramay, ikkinchi raund Striklend foydasiga eng ishonchli raund bo'ldi. Men bu jangni yana bir bor ko'rib chiqishim kerak, ammo ko'rganlarimga qaraganda hisob 4:1 Xamzat foydasiga yoki kamida 3:2 uning foydasiga bo'lishi mumkin edi. Amerikalik fuqaro, vatanparvar sifatida obektiv bo'lib, CHimaev g'alaba qilganini tan olishim kerak", — dedi Sexudo Pound 4 Pound with Kamaru & Henry YouTube kanalida.