08 apr 18:36
Yangiliklar

Kamondan otish

Amirxon Sodiqov Turkiyadagi xalqaro turnirda sovrindor bo'ldi

4-7 aprel kunlari Turkiyaning Antaliya shahrida kamondan otish bo'yicha “Kahraman bagatir spring arrows tournament-2024” musobaqasi bo'lib o'tdi.

Dunyoning sara merganlari ishtirok etgan turnirda O'zbekiston terma jamoasi azosi ham shohsupaga ko'tarildi.

Erkaklar o'rtasida kechgan bahslarda hamyurtimiz Amirxon Sodiqov bronza medali sohibiga aylandi. Birinchi davradan erkin o'tgan Sodiqov ikkinchi bosqichda Ukraina, so'ng Misr, Italiya, Niderlandiya vakillarini mag'lubiyatga uchratdi. Yarim finalda Italiya termasining boshqa bir sportchisi Federiko Musolesiga qo'shimcha imkoniyatlarda mag'lubiyatga uchragan bo'lsa, uchinchi o'rin uchun bahsda franciyalik Jan-SHarl Valladontdan ustun keldi.

Rejaga ko'ra, terma jamoamiz 30 aprel sanasiga qadar ushbu shaharning o'zida xalqaro o'quv-mashg'ulot yig'inida ishtirok etadi.