21 fev 11:16
Yangiliklar

Boks/MMA

Ana xolos! O'zbekiston terma jamoasi bokschisi Qozog'iston safiga o'tdi!

Boks bo'yicha 2023 yilgi O'zbekiston chempionatida bronza medalini qo'lga kiritgan Aman Konisbekov endilikda Qozog'iston terma jamoasi safida janglarini o'tkazadi.

Bu haqda KazInform nashri xabar bermoqda.

Konisbekov qozoq millatiga mansub hisoblanadi. Endilikda Aman Turkiston viloyati nomidan ringga chiqadi.

U 2023 yil noyabr oyida o'tkazilgan O'zbekiston chempionatining 71 kg vazn toifasida bronza medalini qo'lga kiritgan edi. Konisbekovning o'shanda yarim final bosqichida jahon chempioni Asadxo'ja Mo'ydinxo'jaev bilan yorqin jang ko'rsatgani muxlislarning yodida. Aman birinchi raundda Asadxo'jani nokdaun holatiga tushirib qo'ygandi.