Andijon “Uzbekistan Judo Tour”da kuchlilar aniqlandi

Murosasiz kechgan bellashuvlar yakuniga ko'ra, 4 ta vazn toifasida g'olib va sovrindorlar nomi malum bo'ldi. Artyom SHturbabin (-66), Behruz Homidov (81 kg), SHarofiddin Boltaboev (-90 kg) va SHohruh Baxtiyorov (+90 kg) o'z vaznlarida shohsupaning eng yuqori pog'onasiga ko'tarildi. 

Qiziq tomoni shundaki, Parij-2024 Olimpiadasidan keyin faoliyatini yakunlab, murabbiylikni boshlagan SHarofiddin Boltaboev nafaqat sportga qaytdi, balki qiymati 22 000 000 so'm bo'lgan chempionlik shohsupasiga ham ko'tarildi. Qoraqalpog'istonlik dzyudochi bu musobaqada Andijon viloyati sharafini himoya qildi. 

Malumot uchun, Andijon “Uzbekistan Judo Tour” musobaqasining umumiy mukofot jamg'armasi 200 million so'mni tashkil etadi. G'oliblar 22 mln, kumush medal sohiblari 14, bronza medal egalari esa 7 mln so'm pul mukofotini qo'lga kiritishdi.

Andijon zaminida o'tkazilgan bugungi musobaqa dzyudo muxlislari uchun tom manoda sovg'a bo'ldi. Bu esa o'z o'rnida viloyatda olimpiya oilasiga mansub ushbu yakkakurash turining rivojlanishiga xizmat qiladi.    

“Uzbekistan Judo Tour” g'olib va sovrindorlari:

-66 kg vazn toifasi

1. Artyom SHturbabin (Toshkent viloyati)

2. Muhriddin Tilovov (Qashqadaryo)

3. Bahrom Asadov (Buxoro)

3. Manucher SHirinov (Buxoro) 

-81 kg vazn toifasi

1. Behruz Homidov (Toshkent shahri)

2. Nizomiddinxo'ja Toshpo'latov (Surxondaryo)

3. Samariddin Muxibiddinov (Toshkent shahri)

3. Ahror Ziyodullaev (Surxondaryo)

-90 kg vazn toifasi

1. SHarofiddin Boltaboev (Andijon)

2. SHahzodxo'ja SHaripov (Buxoro)

3. Azizbek Avazmurodov (Toshkent shahri)

3. Ulug'bek O'roqov (Toshkent shahri)

+90 kg vazn toifasi

1. SHohruh Baxtiyorov (Toshkent shahri)

2. Javohir Murodullaev (Qashqadaryo)

3. Jahongir Mamatrahimov (Surxondaryo)

3. Fazliddin Rafiqov (Toshkent shahri)