17 apr 11:51
Yangiliklar

Tennis

Andrey Rublyov Monte-Karlo "Masters" g'olibi!

Teglar : Andrey Rublev Monte-Carlo Masters

Dunyoning oltinchi raketkasi Andrey Rublyov nufuzli Monte-Karlo "Masters" turniri bosh sovrinini qo'lga kiritdi.

Rossiyalik tennischi 2 soatu 36 daqiqa davom etgan final bahsida ATP reytingida 9-o'rinni egallab turgan daniyalik Xolger Runeni 5/7, 6/2, 7/5 hisoblarida mag'lubiyatga uchratdi.

Tennischilarning o'zaro uchrashuvlarida Rublyov hisobda oldinga chiqib oldi - 2:1. Andrey 5, Xolger esa 6 ta eys zarbasini amalga oshirgan. Hal qiluvchi uchinchi setda 1/4 hisobida o'yinni boy berayotgan Rublyov kambekni amalga oshira oldi.

Bu uning faoliyatidagi 13-sovrin bo'ldi. Monte-Karlodagi muvaffaqiyatli ishtirok Rublyovga 1000 reyting ochkosi hamda 892,590 evro mukofot puli keltirdi. Rune esa 600 ochko va 487,420 evro ishlab oldi.