AQSH terma jamoasi safidagi yurtdoshlarimiz Gulruhbegim Tohirjonova hamda Timur Gareev rapid bahslarini qanday natija bilan yakunladi?

Erkaklar o'rtasida 13 ta partiya o'tkazilganidan xabaringiz bor. Ushbu o'yinlarda AQSH safida hamyurtimiz Timur Gareev ishtirok etayotgani haqida malum qilgan edik. U 13 ta tur yakuniga ko'ra 7 ochko jamg'arishga muvaffaq bo'ldi. Gareev yakuniy turnir jadvalida 71-o'rindan joy oldi.

SHuningdek, ayollar o'rtasida AQSH safidagi hamyurtimiz Gulruhbegim Tohirjonova ham rapid bahslarini biroz tushkun kayfiyatda yakunlaydigan bo'ldi. U 11 ta tur yakuniga ko'ra, 5 ochko ishladi. Gulruhbegim musobaqaning ilk kunida o'tkazilgan to'rtta raundning uchtasida g'alaba, bittasida durang qayd etgan edi. Ammo Tohirjonova kecha va bugun o'tkazilgan ettita o'yinda bitta g'alaba va bitta durang qayd etdi, qolgan barcha bahsda raqiblariga imkoniyatni boy berib qo'ydi.

Gulruhbegim Tohirjonova rapid yo'nalishidagi turnirni 5 ochko bilan 69-o'rinda yakunladi.