AQSHlik karatechilar ilk marotaba O'zbekistondagi turnirda ishtirok etishadi

Unda Amerika Qo'shma SHtatlari, Tojikiston, Qirg'iziston, Qozog'iston terma jamoalari, shuningdek, O'zbekistonning barcha viloyatlaridan karatechilar sovrinli o'rinlar uchun kurash olib boradilar.

Bugun AQSH delegaciyasi yurtimizga etib keldi. Mehmonlarni Islom Karimov nomidagi Toshkent xalqaro aeroportida Milliy olimpiya qo'mitasi hamda O'zbekiston karate Milliy federaciyasi vakillari kutib olishdi.

Qayd etib o'tish lozimki, amerikalik karatechilar ilk marotaba yurtimizdagi musobaqada ishtirok etadilar. "Samarkand Open" turnirida AQSH jamoasi 10 nafar sportchi bilan ishtirok etadi.

O'zbekiston karate Milliy federaciyasi mamlakatimizning turizm salohiyatini yanada rivojlantirishga hissa qo'shish maqsadida musobaqa doirasida mehmonlar uchun qo'hna shaharning diqqatga sazovor joylari va bir necha asrlik tarixiy obidalariga sayoxat uyushtirishni ham maqsad qilgan.