Aralash yakkakurashchilarimiz Octagon 62 turnirida qanday natija qayd etishdi?

Biz uchun ahamiyatlisi, turnir doirasida besh nafar hamyurtimiz navbatdagi janglarini o'tkazishdi. O'ta engil vazndagi vakilimiz Axmat Mamlakatov qirg'izistonlik Guljigit Adilet uuluga birinchi raundning birinchi raundidayoq imkoniyatni boy berdi. Guljigit bo'g'ish usuli bilan muddatidan oldin g'alabaga erishdi. Bu uning to'rtinchi g'alabasi bo'ldi. 

Yarim o'rta vazn toifasida o'tgan jangda hamyurtimiz Abdulaziz Mustafaev qozog'istonlik Muratjan Yusupovga qarshi oktagonga chiqdi. Uch raund to'liq davom etgan jangda Yusupov hakamlarning yakdil qarori bilan zafar quchdi. Bu uning uchinchi g'alabasi edi. 

Og'ir vaznda vatandoshimiz Xabib Gaziev mezbon jangchisi Miras Esmaxay bilan to'qnash keldi. Debyutantlar o'rtasidagi jang birinchi raundning o'zida Xabib Gazievning g'alabasi bilan yakunlandi. Hamyurtimiz ketma-ket zarbalaridan keyin referi jangni to'xtatishga majbur bo'ldi. 

Engil vazndagi jangchimiz Mavlonbek Mirkomilov (6-2-1) faoliyatidagi oltinchi g'alabasini tantana qildi. Aralash yakkakurash ustamiz ikkinchi raundning birinchi daqiqasidayoq tojikistonlik Farhod Davlatov (Tojikiston, 8-4)ni bo'g'ib qo'ydi. Jangdan keyin u ushbu vaznda chempion bo'lib turgan yana bir hamyurtimiz Doston Bozorovga qarshi oktagonga chiqishga tayyor ekanini malum qildi.    

Hamyurtlarimiz ishtirokidagi so'nggi jang engil vaznda o'tkazilib, unda Mansur Atajanov tojikistonlik Qamariddin "Kamil Karate" Hasanovga qarshi oktagonga chiqdi. Uch raund to'liq davom etgan jangda Kamil Karate hakamlarning yakdil qarori bilan g'alaba qozondi.