“Arbek”da yangi suv sporti saroyi foydalanishga topshirildi FOTOGALEREYA

Xorazm viloyatining SHovot tumanidagi “O'zbekiston” qishlog'ining “Arbek” mahallasida qad rostlagan “Bolalar suv sporti saroyi” ham yurtimizda olib borilayotgan islohotlar samarasi hisoblanadi. 

Bu erda to'laqonli mashg'ulotlar o'tkazish uchun shart-sharoit va imkoniyatlar muhayyo qilingan. Qolaversa, 11x25 metr o'lchamli suzish havzasi, sportchilarning echinib-kiyinish, yuvinish xonalari suv sporti ixlosmandlari ixtiyorida. SHuningdek, laboratoriya, tibbiyot, murabbiylar xonalari va boshqa infratuzilmalar ham ko'ngildagidek.

“Bolalar suv sporti saroyi” tuman markazidan  biroz uzoqda joylashgan. Bu chekka hududlarda yashovchi suv sporti ixlosmandlariga ancha qulayliklar yaratmoqda. Sport obekti joylashuvining  yana bir ahamiyatli jihati shundaki, uning atrofida “O'zbekiston” qishlog'idan tashqari, “CHo'qli”, “CHig'atoy qala”, “Ijtimoyat”, “Qangli” va “Hurriyat” qishloqlari ham joylashgan. 

Ushbu qishloqlarning suv sporti saroyigacha bo'lgan oraliq masofasi esa bor-yo'g'i bir kilometrdan to'rt kilometrgacha.  Demak, u erda qo'shni qishloqlar aholisi, jumladan, yoshlari suv sporti turlari bilan shug'ullanish imkoniyatiga ega.

Kuni kecha “Bolalar suv sporti saroyi”  tantanali tarzda foydalanishga topshirildi. Uning ochilishiga bag'ishlangan marosim bayramona tarzda tashkil etildi. Unda Xorazm viloyati va SHovot tumani hokimligi, O'zbekiston jismoniy tarbiya va sport vazirligi, davlat va jamoat tashkilotlari vakillari, faxriylar, yoshlar hamda ommaviy axborot vositalari xodimlari qatnashdilar.

Tadbirni SHovot tumani hokimi Hakimjon Otaxonov ochib berdi. So'ngra, so'zga chiqqan O'zbekiston Respublikasi Oliy Majlisi Senati komissiya raisi Tolibjon Madumarov, O'zbekiston jismoniy tarbiya va sport vaziri o'rinbosari SHarifjon Mo'minjonov, Xorazm viloyati hokimi o'rinbosari Sanat Salaev, “Nuroniy” jamg'armasi tuman bo'limi raisi Qadamboy Matsapaevlar yurtimizda mustaqillik yillarida amalga oshirilgan islohotlar O'zbekistonimiz nufuzini ko'klarga ko'targani, salohiyatini oshirganini etirof etishdi. 

Sport sohasida ham yuksak cho'qqilar egallanayotgani, buning barobarida, o'zbekistonlik sportchilar orasidan jahon, Osiyo chempionatlari, Olimpiada o'yinlari va nufuzli xalqaro musobaqalarning g'olib va sovrindorlari etishib chiqqanligi va chiqayotganini faxr bilan tilga olishdi. 

Foydalanishga topshirilayotgan zamonaviy “Bolalar suv sporti saroyi” mustaqillik bayrami arafasida hukumatimiz tomonidan shovotlik yoshlarga, tuman aholisiga o'ziga xos bayram tuhfasi bo'lganligini takidlashdi. 

Ikrom XUDOYBERGANOV, SHovot tumanidan maxsus