Arman Carukyan Maxachevdan qo'rqqani uchun revanshdan voz kechgani haqidagi gap-so'zlarga javob berdi

"Agar 22 yoshimda qisqa muddatli chaqiruv bilan Maxachevga qarshi jangga chiqqan bo'lsam, qanday qilib hozir qo'rqishim mumkin? O'shanda Maxachev UFC’da olti yoki etti jang o'tkazgan edi. Menga turnirga ikki-uch hafta qolganda qo'ng'iroq qilishdi. Vazn tushirdim va jang qildim. Jang ancha yaqin o'tgan. Olti yil davomida revanshga tayyorlanib, qanday qilib hozir qo'rqaman? Hatto yutqazsam ham, yaxshi jang ko'rsatar, pul topar va nomimni yanada mashhur qilar edim", — dedi Carukyan.