Asadxo'ja Mo'ydinxo'jaev qozog'istonlik raqibini engib, jahon chempionati oltin medalini qo'lga kiritdi!

Bugungi kun doirasidagi ikkinchi final jangi -67 kg vazn toifasida bo'lib o'tdi. Unda o'zbekistonlik bokschi Asadxo'ja Mo'ydinxo'jaev qozog'istonlik Dulat Bekbauovga qarshi ringga chiqdi. Mazkur jang to'liq 3 raund davom etdi va unda hakamlarning yakdil qarori bilan 5:0 hisobida Asadxo'ja g'alaba qozongan holda jahon chempionatining oltin medali hamda 200 ming dollar pul mukofotini qo'lga kiritdi.

Bu O'zbekiston terma jamoasining Toshkentdagi jahon chempionatida qo'lga kiritgan ilk oltin medali hisoblanadi.