19 sen 07:55
Yangiliklar
Kurash, Gimnastika, Tennis, Qilichbozlik, Velosport, Engil atletika, Og'ir atletika, Taekvondo, Boshqalar, Muaytay
Ashxobod-2017. 28 ta medal bilan umumjamoa hisobida uchinchimiz
Turkmaniston poytaxti Ashxobod shahrida V Yopiq inshootlardagi Osiyo o'yinlari bo'lib o'tmoqda.
Musobaqaning kechagi kungi bahslarida sportchilarimiz 1 ta oltin, 2 ta kumush va 12 ta bronza medalini qo'lga kiritishdi. Terma jamoamizga yagona oltin medalni engil atletikachimiz Nadiya Dusanova taqdim etdi.
Balandlikka sakrash sektorida Dusanova eng yaxshi natija bilan shoxsupaning eng yuqori pog'onasiga ko'tarildi. Yana bir hamyurtimiz Safina Sadullaeva esa kumush medal bilan taqdirlandi.
Medallar jamg'arish bo'yicha umumjamoa hisobida O'zbekiston sport delegaciyasi 3 ta oltin, 5 ta kumush, 20 ta bronza jami 28 ta medal bilan uchinchi o'rinni egallab turibdi.
Turkmaniston terma jamoasi 29 ta oltin, 21 ta kumush, 12 ta bronza jami 62 ta medal jamg'arib ulgurdi va ular hozircha peshqadam. Eron terma jamoasi 12 ta medal bilan ikkinchi o'rinni band etgan. Ular hisobida 4 ta oltin, 2 ta kumush, 6 ta bronza medali bor.
Havola :
Manba : olamsport.com
Fikrlar