Ashxobod-2017. Medallarimiz 106 taga etdi, “oltin” esa 21 ta!

Musobaqaning kechagi kungi bahslaridan so'ng terma jamoamiz g'aznasidagi umumiy medallar soni 106 taga etdi. SHulardan 21 tasi oltin medallardir. Hisobimizda yana 28 ta kumush va 57 ta bronza medallari bor. Kecha jami 17 ta medalni qo'lga kiritdik. Umumjamoa hisobida 4-o'rinni egallab turibmiz.

Turkmaniston terma jamoasi 79 ta oltin, 58 ta kumush, 69 ta bronza, jami 206 ta medal jamg'arib ulgurdi va mezbonlar bu borada yakka peshqadam. Xitoy terma jamoasi 61 ta medal bilan ikkinchi o'ringa ko'tarilib oldi. CHin yurti vakillari hisobida 23 ta oltin, 21 ta kumush, 17 ta bronza medali bor. 

Kuchli uchlikka Eron terma jamoasi 22 ta oltin, 18 ta kumush, 49 ta bronza, jami 89 ta medal bilan yakun yasagan. Bizdan keyingi o'rinlardagi Qozog'istonda 22, Tailandda 18, Janubiy Koreyada 10ta oltin medali bor. Jami 34 ta davlat sportchilari kamida bitta bronza medalini naqd qilishgan.