Asosiy umidimiz – sport kurashchilarimiz qachon “boshlashadi”?

Olimpiadalar tarixida shu paytgacha 5ta oltin medalni qo'lga kiritgan bo'lsak, shundan 4tasini ushbu sport turi vakillari taqdim etishgan. Erkin kurash tarixiga kirgan hamyurtimiz Artur Taymazov 4ta Olimpiadada qatnashib, 3ta oltin va bitta kumush medalga sazovor bo'lgan. Yana bir oltinni Aleksandr Dokturashvili keltirgan.

Tabiiyki, Rio Olimpiadasida ham biz erkin va yunon-rum kurashchilarga umid bog'layapmiz. Rio-de-Janeyro gilamlarida 4 nafar erkin, shuncha yunon-rum kurashchimiz medallar uchun bahslarga kirishadi.

Erkin kurash bahslarida Abbos Rahmonov (57 kg), Ixtiyor Navro'zov (65 kg), Bekzod Abdurahmonov (74 kg), Magomed Ibragimov (97 kg), yunon-rum kurashi bahslarida esa Elmurot Tasmuradov (59 kg), Dilshod Turdiev (75 kg), Rustam Assakalov (85 kg) va Mo'min Abdullaev (130 kg) o'z imkoniyatlarini sinovdan o'tkazishadi.

Ko'pchilikni ularning qachon bahslarga kirishishi qiziqtirishi tabiiy. Quyida etiboringizga har ikki yo'nalish kurashchilarimizning bahslarda qatnashish taqvimini havola qilamiz.

YUNON-RUM KURASHI:

14 avgust. Elmurot Tasmuradov (59 kg), Dilshod Turdiev (75 kg)

15 avgust. Rustam Assakalov (85 kg), Mo'min Abdullaev(130 kg)

ERKIN KURASH:

19 avgust. Abbos Rahmonov (57 kg), Bekzod Abdurahmonov (74 kg)

21 avgust. Ixtiyor Navro'zov (65 kg), Magomed Ibragimov (97 kg)