Associaciya xodimlari masofaviy mehnat faoliyatini davom ettirishyapti FOTOREPORTAJ

Mutasaddilarimiz associaciyadagi kunlik ish faoliyatlarini masofadan turib davom ettirishmoqda. Maxsus ochilgan telegram kanalda xodimlar o'zaro malumotlarni almashishyapti.    

Jumladan, associaciyaning xalqaro bo'lim etakchi mutaxassis Margarita Zayceva doimiy ravishda Birlashgan kurash (United World Wrestling) dunyosi va unga azo qolgan federaciyalar bilan muloqotda bo'lib turibdi. 

"Birlashgan kurash dunyosi azo barcha mamlakat federaciya va associaciyalarga so'nggi yangiliklarni jo'natib turibdi. Biz tashkilot bilan doimiy muloqotdamiz. O'z o'rnida tegishli yangiliklarni murabbiylarimizga etkazyapmiz", - deydi Zayceva.

Bosh  hisobchi Olga Bogdanova ham masofadan ishlayapti. 

"Masofaviy ish faoliyatimizdan tashqari farzandlar bilan dars tayyorlayapmiz. Badiiy kitoblar mutolaa qilyapmiz. Karantin holatida ham bekor o'tirish yo'q. Doimiy harakatdamiz. Engil jismoniy mashg'ulotlarga ham vaqt qolyapti", - deydi bosh hisobchimiz. 

Bir so'z bilan aytganda, karantin holatida ham ish qizg'in suratda davom etmoqda.