ATP reytingi. Top-50 o'zgarishsiz, Humoyun o'z o'rnida, SHin 314 pog'onaga pastladi

Nafaqat kuchli o'ntalik, balki Top-50`talikda ham hech qanday o'zgarish kuzatilmadi. Novak Jokovich hamon katta farq bilan dunyo tennischilari reytingini boshqarmoqda. Karlos Alkaras ikkinchi o'rinni egallab turgan bo'lsa, rossiyalik Daniil Medvedev kuchli uchlikka yakun yasagan. 

Humoyun Sultonov va Sergey Fomindan tashqari, tennischilarimizning barida pasayish kuzatildi. Birinchi raketkamiz Humoyun Sultonov o'tgan haftadagi o'rnini saqlab qoldi. U ayni paytda 132 ochko bilan 367-o'rinni egallab turibdi. Ikkinchi raketkamiz Sergey Fomin 11 pog'onaga ko'tarildi va 717-o'ringa joylashdi. Denis Istomin 4, Sanjar Fayziev 3 pog'onaga pastladi. Maksim SHin esa oz emas, ko'p emas, 314 o'ringa pastlab, 1661-pog'onaga tushib ketdi. O'tgan hafta Istomin 314 pog'onaga sho'ng'igandi.

ATP reytingi. 2023 yil 11 dekabr holatiga ko'ra Top-10:

1. (1) Novak Jokovich (Serbiya) - 11245 ochko

2. (2) Karlos Alkaraz (Ispaniya) - 8855 

3. (3) Daniil Medvedev (Rossiya) - 7600

4. (4) Yannik Sinner (Italiya) - 6490

5. (5) Andrey Rublyov (Rossiya) - 4805

6. (6) Stefanos Cicipas (Greciya) - 4235

7. (7) Aleksandr Zverev (Germaniya) - 3985

8. (8) Xolger Rune (Daniya) - 3660

9. (9) Xubert Gurkach (Polsha) - 3245

10. (10) Teylor Fritc (AQSH) - 3100

O'zbekistonlik tennischilarning ATR reytingidagi o'rni:

367 (367). Humoyun Sultonov - 132

717 (728). Sergey Fomin - 37

1489T (1485). Denis Istomin - 2

1538T (1535T). Sanjar Fayziev - 2

1661T (1347T). Maksim SHin - 2

1962T (1958T). Amir Milushev - 1