ATR reytingi. Karlos Alkaraz yana "taxt"ga qaytdi, tennischilarimiz sho'ng'ishda davom etishyapti

Unga ko'ra, reytingning Top-10 taligida kichik o'zgarish kuzatildi. London kortlarida g'alaba qozongan ispaniyalik Karlos Alkaraz serbiyalik Novak Jokovich bilan o'rin almashib, yana sayyoramizning birinchi raketkasiga aylanib oldi. O'tgan hafta bilan taqqoslaganda, kuchli o'ntalikda boshqa o'zgarish kuzatilmadi. 

Mamlakatimiz sharafini himoya qilayotgan tennischilarimizda esa bu hafta ham pasayish kuzatilganini ko'rishimiz mumkin. Birinchi raketkamiz Humoyun Sultonov 7, Sergey Fomin 3, Denis Istomin 6 pog'ona pastladi. Yosh tennischilarimizdan biri Maksim SHin reytingda 88 o'rin pastlab, 1353-pog'onaga joylashdi. 

ATR reytingi. 26 iyun holatiga ko'ra Top-10:

1. (2) Karlos Alkaraz (Ispaniya) - 7675 ochko
2. (1) Novak Jokovich (Serbiya) - 7595
3. (3) Daniil Medvedev (Rossiya) - 5890
4. (4) Kasper Ruud (Norvegiya) - 4960
5. (5) Stefanos Cicipas (Greciya) - 4670
6. (6) Xolger Rune (Daniya) - 4510
7. (7) Andrey Rublyov (Rossiya) - 4255
8. (9) Yannik Sinner (Italiya) - 3345
9. (8) Teylor Fritc (AQSH) - 3310
10. (10) Frensis Tiafo (AQSH) - 3085

O'zbekistonlik tennischilarning ATR reytingidagi o'rni:

496 (489). Humoyun Sultonov - 75

553 (550). Sergey Fomin - 61

734 (728). Denis Istomin - 31

1353T (1265). Maksim SHin - 4