Australian Open-2024 saralash bosqichiga qura tashlandi. Abduraimova braziliyalik raqibasiga qarshi kortga chiqadi

Biroz avval yilning dastlabki "Katta Dubulg'a" turnirining saralash bahslariga qura tashlandi. Aynan ertadan start oladigan Avstraliya Ochiq chempionatining kvalifikaciya turnirida hamyurtimiz Nigina Abduraimova ham ishtirok etadi. 

Qura natijasiga ko'ra, mamlakatimizning birinchi raketkasi Australian Open turnirining ilk davrasida braziliyalik Laura Pigossiga qarshi kortga chiqadi. Ushbu bahs bizning vaqt bilan 9 yanvar kuni tong saharda, soat 04:00da boshlanadi. 

Taqqoslash uchun, ayni paytda Nigina Abduraimova WTA reytingida 210, Laura Pigossi esa 112-o'rinni egallab turibdi. Tennischilar shu kungacha o'zaro uchrashishmagan. Bu juftlik g'olibasi keyingi bosqichda Yana Fett (Xorvatiya) - Dominika Salkova (CHexiya) uchrashuvida zafar quchgan tennischiga qarshi kortga chiqadi.      

Eslatib o'tamiz, Australian Open 2024 turnirining umumiy mukofot jamg'armasi 13 foizga oshirildi va 59,1 million dollarni tashkil qiladi. CHempionlar 2,153,000 AQSH dollariga ega bo'lishadi. Finalchi o'z hamyonini 1 million 179 ming dollarga boyitib oladi. SHunchaki birinchi davradagi ishtirok tennischilarga 82 ming 20 dollar taqdim etadi.