Ayollar terma jamoamiz ham Xorvatiyada yig'in boshladi + FOTO

Nellya Kiyamova murabbiyligidagi dzyudochi qizlarimiz bungacha Slovakiyada o'n kunlik yig'in o'tkazishgan edi. Endi mashg'ulotlarga bir hafta davomida Adriatika dengizi sohillarida joylashgan Pula shahri mezbonlik qiladi. Ushbu xalqaro yig'inda yurtimiz dzyudochilaridan tashqari Evropaning bir nechta mamlakat terma jamoalari ham mashg'ulot o'tkazishyapti. 

Reja bo'yicha O'zbekiston terma jamoasi bir haftalik mashg'ulotlardan so'ng Toshkentga qaytadi. Qisqa muddatli tatildan keyin esa Yaponiyaning Maydzuru shahriga jo'nab ketiladi. Tokio Olimpiadasiga tayyorgarlikning so'nggi bosqichi aynan Kunchiqar yurtda tashkil etiladi. Iqlimga moslashish, mahalliy sharoitga ko'nikish maqsadida ertaroq Yaponiyaga jo'nab ketiladi.