Azaliy qarama-qarshilik davom etadi: Konor Makgregor Xabib Nurmagomedovni revansh jangiga chorladi

Ikki vaznda UFC sobiq chempioni, irlandiyalik Konor Makgregor Xabib Nurmagomedovning gaplariga javob qaytardi.

Xabib Nurmagomedov shogirdlarining yutuqlari haqida gapirar ekan, "Uzoq vaqt oldin bir yigit: "Hokimiyatni egallash uchun keldik", - deb aytgan edi. Lekin hokimiyatni egallash uchun biz keldik", - deb aytib o'tgan edi.

Bu izoh kutilganidek Konor Makgregorga yoqmadi:

"Men jang qilishda davom etaman! Otangning rejasi hech qachon amalga oshmaydi, chunki sen qochib qolding, og'ayni. Xudo panohida saqlasin seni. Agar xohlasang, men hali ham shu erdaman. Ammo mag'lubiyatdan qo'rqish, sen allaqachon yutqazganingizni anglatadi. Undan xohlaganingcha qoch. Hammamiz oxir-oqibat yutqazamiz. O'lim hammamizni olib ketadi. Xudodan boshqa hech narsadan qo'rqmayman", - deb yozgan Makgregor.

Nurmagomedov shuningdek Torontodagi nutqi davomida MMAga qaytish niyati yo'qligini va murabbiy sifatidagi rolidan mamnun ekanligini aytgan.

Conor McGregor fires back at Khabib Nurmagomedov's diss: 'I'm still here if you wanna go again' https://t.co/g31LQrYKZG

— MMA Junkie (@MMAJunkie) November 21, 2022