Azizbek Abdug'ofurov: "Fyodorning akasini mag'lub etganman, endi navbat uning o'ziga"

Etiborlisi, oqshomning markaziy jangi hamyurtimiz ishtirokida bo'lib o'tadi. Ikkinchi o'rta vazn toifasida sobiq WBC Silver kamari sohibi Azizbek Abdug'ofurov rossiyalik tajribali bokschi, sobiq jahon chempioni Fyodor CHudinovga qarshi ringga ko'tariladi. Ushbu jang 10 raund etib belgilangan.  

Kecha bokschilar matbuot anjumanida ishtirok etishdi va jurnalistlarni qiziqtirgan barcha savollarga javob berishdi. 30 yoshli Abdug'ofurov mazkur jangga 3,5 oy davomida tayyorgarlik ko'rgani va g'alabadan boshqa natija haqida o'ylamayotganini alohida takidladi.

"Men undan qo'rqamayman. Murabbiyim bilan birga Fyodorning hamma janglarini ko'rib chiqdim. Mashg'ulotlarda astoydil ishladim. Bu jangga uch yarim oy tayyorgarlik ko'rdim. Fyodorning akasi Dmitriyga qarshi Toshkentda jang o'tkazganman. Ayni paytda uning ukasini ham mag'lub etishga ham shayman. Fyodor qanchalik mashhur bo'lmasin, undan qo'rqmayman. Lekin hurmatini joyiga qo'yaman. Moskvaga uni mag'lub etish uchun kelganman. O'zim ham, jamoam ham 29 aprel kungi jangga tayyor", — dedi Abdug'ofurov. 

Malumot uchun, Azizbek Abdug'ofurov shu kungacha prof ringda 14 ta jang o'tkazib, 13 tasida g'alaba qozongan. Beshta jangni muddatidan avval o'z foydasiga hal qilgan. Yagona mag'lubiyatini o'tgan yilning 20 mart kuni Moskvada qabul qilib olgandi. O'shanda u rossiyalik Pavel Silyaginga 108-120, 109-119, 109-119 hisoblarida yutqazib qo'ygandi. Silyagin WBC Silver kamarining yangi sohibiga aylangan edi. 

Bokschimizning 29 aprel kunidagi raqibi Fyodor CHudinov hisobida esa 25 g'alaba, 2 mag'lubiyat va 1 durang bor. O'n ettita jangda raqiblarini nokautga uchratgan. Fyodor oxirgi jangini 2021 yilning 15 oktyabr kuni Ronni Mittagga qarshi o'tkazib, muddatidan avval zafar quchgan.