Azizjon Kamilov: “Yangi g'alabalarga tayyorgarlik ko'rmoqdamiz”

Malumki, bir necha kundan so'ng dzyudo restarti, yani Budapesht shahrida Katta dubulg'a turniri start oladi. Tokio Olimpiadasiga qimmatli reyting ochkolarini taqdim qiladigan musobaqaga tayyorgarlikni MOQ vice-prezidenti, O'zbekiston dzyudo federaciyasi raisi Azizjon Kamilov ham kuzatib bormoqda.

“Yangi g'alabalarga tayyorgarlik ko'rmoqdamiz!

Pandemiya bilan bog'liq murakkab vaziyatga qaramasdan, sportchilarimiz Budapesht shahrida bo'lib o'tadigan “Grand Slam”ga qunt bilan tayyorgarlik ko'rishmoqda va muvaffaqiyatga erishishni qatiy maqsad qilib qo'yishgan.

Turnir doirasidagi birinchi bellashuv yaqin kunlarda o'tkaziladi. Jangchilar sovrinli o'rinlarni egallashlari uchun faol ravishda shug'ullanishmoqda, texnikalariga sayqal berishmoqda. Keling, ularga omad tilaymiz!”, – deya post qoldirgan Azizjon Yakubjanovich o'zining instagramdagi sahifasida.

O'z navbatida Milliy olimpiya qo'mitasi ham dzyudochilarimizga bo'lajak musobaqada omad va zafarlar tilab qoladi. Budapesht turniri 23-25 oktyabr kunlari bo'lib o'tadi.